Lüğət seçin
Azərbaycan dilinin izahlı lüğəti
yığmaq [yığmax] feil
1. Bir yerə toplamaq, cəm etmək. □ Adamları bir yerə yığmaq. İşçiləri yığıb söhbət aparmaq.
2. Müxtəlif şəxslərdən almaq, toplamaq. □ Üzvlük haqqı yığmaq. Vergi yığmaq. Məlumat yığmaq. Divar qəzeti üçün məqalə yığmaq.
3. Qənaət edərək, dala ataraq yavaş-yavaş toplamaq, ehtiyat görmək. □ Ehtiyat yığmaq. Pul yığmaq.
4. Yetişmiş məhsulu, meyvəni toplamaq, bir şey toplamaqla, dərməklə məşğul olmaq. □ Taxılı yığmaq. Pambığı yığıb qurtarmaq. Bağın məhsulunu yığmaq.Çiyələk yığmaq. Başaq yığmaq. Dərman otları yığmaq.
5. Yığışdırmaq, götürmək. □ Yorğan-döşəyi yığmaq. Xalçaları yığıb naftalinləmək.
6. Qalaq-qalaq, topa-topa düzmək, qoymaq, ümumiyyətlə, qoymaq, düzəltmək. □ Taya yığmaq. Odunu anbara yığmaq. Kitabları şkafa yığmaq. Şeyləri bir yeşiyə yığmaq.
7. Quraşdırmaq, ayrı-ayrı hissələrini birləşdirib tam şəklə salmaq. □ Mexanizmi söküb yığmaq.
8. Yavaş-yavaş, hissə-hissə toplamaq, kolleksiya düzəltmək. □ Marka yığmaq. Nadir şeylər yığmaq. Qədim kitablar yığmaq.
Həmçinin bax: